«Менің кіші Отаным» аудандық байқауы

Менің кіші Отаным» аудандық байқауы

Кіші

Отан- әркімнің шыр етіп жерге түскен, бауырында еңбектеп, қаз басқан қасиетті

мекені. Оны қайда жүрсе де жүрегінің түбінде әлдилеп өтпейтін жан баласы

болмайды. Туған жерге, оның мәдениеті мен  салт-дәс­түрлеріне айрықша

іңкәрлікпен атсалысу - шынайы патриотизмнің маңызды көріністерінің бірі. Еліміздің

өсіп келе жатқан жас ұрпақтарымыздың туған елінің тарихына аса қызығушылықтарын

таныту, олардың шығармашылық қабілетін, қоғамдық белсенділігін дамытуға, тарих

және өлкетану бойынша білімін дамыту, ұлттық өзін-өзі тануына және олардың

кішкентай Отанына деген мақтанышын арттыру мақсатымен аудандық Білім беру

бөлімі «Менің кіші Отанымның тарихы» атты байқауды мектептің оқушылары арасында

11 қазанда «Рухани жаңғыру» кабинетінде өткізген болатын.

Ереже

бойынша байқау 4 номинациялар бойынша өтті. Бірінші

номинация бойынша «Менің кіші

Отанымның тарихы» 1 орынды Терсақан НМ оқушысы Базылбекова Мадина алған

болса, 2 орын Шалдыкина Камила Лозовое ОМнің оқушысы, 3 орын Лучинец Артур

Алғабас НМ-нің оқушысы алды. Екінші

номинацияда «Менің кіші Отанымның

символы» 1 орынға Серікова Мөлдір Запорожье ОМнің оқушысы ие болды, 2

орынды Кошкумбаева Сымбат Лозовое ОМ, 3 орынға Торбаева Салтанат Ешім ОМнің

оқушысы ие болды. Үшінші номинация «Менің кіші Отанымның болашағы» 1 орынға

Гайнутдинова Виктория Запорожье ОМнің оқушысы, 2 орынға Баймуллин Евгений

Қ.Өскенбаев атындағы Қима ОМнің оқушысы,3 орынға Мазепа Екатерина Жақсы №2

ОМнің оқушысы ие болды.

Байқаудың

соңында тарих пәнінің мұғалімдері мен қатысушылармен кері байланыс өткізіліп,

болашаққа жоспарлар талқыланды.