Жақсы ауданының жалпы білім беру ұйымдарында «Birgemiz: ТҮЛЕК 2020» атты Еріктілер жылына арналған мектеп бітіру іс-шаралары

2020 жылдың 3-4 маусымы күні Жақсы ауданының жалпы білім беру ұйымдарында «Birgemiz: ТҮЛЕК 2020» атты Еріктілер жылына арналған мектеп бітіру іс-шаралары тұжырымдамаға сай өтті. Барлығы 138 жас түлек аттестат алды. «Алтын белгі» төсбелгісімен 3 түлек, ерекше үлгідегі аттестатпен 2 түлек марапатталды. Ағымдағы оқу жылында 26 оқушы халықаралық, республикалық, облыстық сайыстарының жүлдегерлері атанды. Осындай дарынды балаларымыздың жетістіктері мақтан тұтарлық. Жүректерінде білімге құмар жалын ойнаған жастарымыз Еліміздің көркеюіне өз үлестерін қосатындарына сенімдіміз. 
Құрметті түлек, мектеп өмірі артта қалды, алдыңда күтіп тұрған жаңа өмірдің баспалдақтарынан сүрінбей өте беруіңді тілейміз! Сәт сапар!